હળવદમાં ખનીજ ચોરી પર ફલાઈંગ સ્કવોડ ત્રાટકી : બે વાહન ઝડપાયા

0
61
/
હાઈવે પર સફેદ માટી ભરી પસાર થતા એક ડમ્પર અને એક ટ્રેલરને ઝડપી લેવાયું

હળવદ : હળવદ હાઈવે પર ગેરકાયદેસર સફેદ માટી ભરી પસાર થતા એક ટ્રેલર અને એક ડમ્પરને ગાંધીનગરની ફલાઈંગ સ્કવોડની ટીમ દ્વારા ઝડપી લેવાયા હતા. ઝડપાયેલ બંને વાહનને હળવદ પોલીસ મથકે સોંપી ખાણ ખનીજનો મેમો આપ્યો હોવાનું જાણવા મળ્યું છે.

આ બનાવની જાણવા મળતી વિગતો મુજબ ગાંધીનગરથી ફ્લાઈંગ સ્કવોડની ટીમ હળવદ વિસ્તારમાં હોય તે અરસામાં હળવદ હાઈવે પરથી સફેદ માટી ભરી પસાર થતા જીજે-૧૨-બી.એક્ષ-૨૪૫૫ અને આરજે-૦૬-જીસી-૨૫૧૧ નંબરના વાહનોમાં ભરેલ માટીની પાસ પરમીટ માંગવામાં આવતા આ માટી ગેરકાયદેસર ભરી હોવાનું સામે આવ્યું હતું. જેથી, ફ્લાઇંગ સ્ક્વોડ ટીમ દ્વારા બંને વાહનોને હળવદ પોલીસ મથકે સોંપી વાહનચાલકોને ખાણ ખનીજનો મેમો ફટકારવામાં આવ્યો હોવાનું જાણવા મળેલ છે.

અત્રે ઉલ્લેખનીય છે કે હળવદ પંથકમાં વારંવાર ખનીજ ચોરીની ફરિયાદો ઉઠતી હોય છે. સ્થાનિક તંત્ર ખનીજ માફિયાઓને છાવરતા હોવાથી હળવદ પંથક ખનીજ ચોરી બેફામ થઈ રહી હોવાના આક્ષેપ વચ્ચે આજે ફ્લાઇંગ સ્ક્વોડ ટીમ હળવદમાં ત્રાટકી હતી. આથી, ખનીજ માફિયાઓમાં ફફળાટ વ્યાપી ગયો છે.

Mehul Bharwad 9898387421

વધુ સમાચારો તેમજ લાઈવ વિડીઓ માટે અમારું ફેસબૂક પેઈજ લાઈક કરો:- https://www.facebook.com/thepressofindia/ 

વધુ સમાચારો માટે અમારી યુ ટ્યુબ ચેનલ સબ્સ્ક્રાઇબ કરો:- https://www.youtube.com/channel/UCGtMZRCb2Mf86kZPcbBaFPA 

વધુ સમાચારો માટે વ્હોટ્સએપ ગૃપમા જોડાવા અહીં ક્લિક કરો:- https://chat.whatsapp.com/BoG4qCHcTS60iHwdXe1Ide 

/