Wakaner

વાંકાનેર : મચ્છુ ડેમ-1માં પાણીની આવક વધી પ્રતિ કલાકે 8500 ક્યુસેકે પહોંચી

30/07/2019 at 3:51 pm

338

સતત પાણીની ધીંગી આવકથી ડેમની બે ફૂટ સપાટી વધીને કુલ સપાટી 25 ફૂટે પહોંચી

વાંકાનેર : વાંકાનેરના ઉપરવાસમાં ભારે વરસાદથી મચ્છુ ડેમ -1માં પાણીની આવક સતત વધી રહી છે. હાલ મચ્છુ ડેમ-1માં પ્રતિ કલાકે 8500 હજાર ક્યુસેક પાણીની આવક થઈ રહી છે અને ડેમની સપાટી વધુ એક ફૂટ વધી છે. અત્યાર સુધીમાં આ ડેમમાં કુલ બે ફૂટ નવું પાણી આવ્યું છે. એ સાથે જ આ ડેમની સપાટી 25 ફૂટે પહોંચી ગઈ છે.ચોટીલા અને કુવાડવા પંથકમાં ભારે વરસાદ થવાથી વાંકાનેરવાસીઓને મોટો ફાયદો થયો છે. જેમાં આ ઉપરવાસના ભારે વરસાદ થવાથી એ પાણી વાંકાનેરના મચ્છુ ડેમ-1 ડેમમાં ઠલવાઈ રહ્યું છે. આજ સવારથી મચ્છુ-1 ડેમમાં પ્રતિ કલાકે 5 હજાર ક્યુસેક પાણીની આવક થઈ રહી હતી. જેમાં હવે વધારો થતાં મચ્છુ -1ડેમમાં પ્રતિ કલાકે 8500 હજાર ક્યુસેક પાણીની આવક શરૂ થઈ છે. એ સાથે જ આ ડેમની સપાટી વધુ એક ફૂટ વધી છે. જોકે પહેલા ડેમમાં 23 ફૂટ પાણી હતું ત્યારે ઉપરવાસના વરસાદથી આ ડેમમાં અત્યાર સુધીમાં બે ફૂટ પાણી આવતા હાલ આ ડેમમાં પાણીની સપાટી 25 ફૂટે પહોંચી ગઈ છે. અને હજુ પાણીની સતત આવક ચાલુ હોવાથી ડેમમાં પાણીની સપાટી વધવાની સંભાવના છે.મોરબી જિલ્લાના વધુ સમાચારો માટે નીચે આપેલ The Press Of India ની લિન્ક સાથે જોડાઓ