મોરબી એ ડીવી. પોલીસ સ્ટેશનમાં ફરીયાદીશ્રીએ એવી ફરીયાદ કરેલ કે આ કામના આરોપી અંકીત રાજેશભાઈ ડાભી નાઓએ આ કામના ફરીયાદીની સગીર વયની દીકરીનો આરોપીએ મોબાઈલ ફોનમાં ઈન્સટાગ્રામ મેસેજ કરી સંપર્ક કરી ધમકી આપી વોટસઅય તથા ઈન્સટાગ્રામ ઉપર વારંવાર મેસેજ કરી મળવા બોલાવી પીછો કરી ફરીયાદીના કાયદેસરના વાલીપણામાંથી અપહરણ કરી ભગાડી લઈ જઈ આરોપીએ ફરીયાદીની સગીર વયની દીકરી સાથે બળજબરી પુર્વક બે વખત સંભોગ કરી ફોટા વાયરલ કરી ફરીયાદીની દીકરીની સગાઈ તોડાવી નાખી તે બાબતનો ગુન્હો કર્યા હોવાની ફરીયાદના આધારે મોરબી એ ડીવી પોલીસે બી.એન.એસ એકટની કલમ- ૧૩૭(૨), ૬૪(૧),૮૭,૭૮(૧)(૨) તથા પોકસો એકટની કલમ-૪,૬ તથા આઈ.ટી. એકટ ની કલમ- ૬૬(ડી) મુજબનો ગુનો નોંધી આરોપી અંકીત રાજેશભાઈ ડાભી ની ધરપકડ કરેલ હતી.
જેમા આરોપી અંકીત રાજેશભાઈ ડાભી એ મોરબીના સીનીયર એડવોકેટશ્રી દીલીપભાઈ અગેચાણીયા મારફત નામદાર ગુજરાત હાઈકોર્ટમાં જામીન મેળવવા અરજી કરેલ. આરોપી તરફે એડવોકેટ મારફત ધારદાર કાયદાકીય દલીલ કરેલ અને ફરીયાદીની સગીર વયની દીકરી તથા આરોપી વચ્ચે થયેલ વોટસઅપ ચેટ રજુ કરેલ અને નાદાર સુપ્રીમ કોર્ટ ના જજમેન્ટ રજુ રાખેલ. બન્ને પક્ષકારોની દલીલના અંતે નામ. કોર્ટે આરોપી પક્ષના એડવોકેટની દલીલ માન્ય રાખી અને નામદાર સુપ્રીમ કોર્ટ નુ જજમેન્ટ સંજયચંદ્ર વિ. સી.બી.આઈ ને ધ્યાને લઈ અને ફરીયાદીની સગીર વયની દીકરી ભોગ બનનાર તથા આરોપી વચ્ચે વોટસઅપમાં થયેલ વાતચીત ને ધ્યાને લઈ આરોપી તથા ભોગબનનાર વચ્ચે પ્રેમ સંબંધ છે અને ભોગ બનનાર એ આરોપી સાથે સંબંધ રાખવા માટે વધુ રસ ધરાવે છે તે જણાવ આવતાં તમામ સંજોગો ધ્યાને લઈ આરોપીને શરતી જામીન પર મુકત કરતો હુકમ કરેલ. આ કામમાં આરોપી તરફે ગુજરાત હાઈકોર્ટના એડવોકેટશ્રી સાવન ડી. મોથરીયા, મોરબી જીલ્લાના પ્રખ્યાત સીનીવર ધારાશાસ્ત્રી શ્રી દીલીપભાઈ અગેચાણીયા, જીતેન ડી. અગેચાણીયા, કુલદીપ ઝીઝુવાડીયા, રવી ચાવડા, ક્રિષ્ના જારીયા, મહેશ્વરી મકવાણા રોકાયેલા હતા.
વધુ સમાચારો માટે અમારું ફેસબૂક પેઈજ લાઈક કરો:- https://www.facebook.com/thepressofindia
તેમજ અમારી યુ ટ્યુબ ચેનલ સબ્સ્ક્રાઇબ કરો:- https://https://www.youtube.com/@thepressofindia
અમારા વ્હોટ્સએપ ગૃપમા જોડાવા અહીં ક્લિક કરો:- https://chat.whatsapp.com/BoG4qCHcTS60iHwdXe1Ide
