મોરબીમાં શહીદ પરિવારોને મદદરૂપ થવા અજય લોરિયા દ્વારા ફંડ એકત્રિતકરણ શરૂ

જમ્મુ કાશ્મીરમાં શહીદ થયેલા ભારત માતાના વીર સપૂતોના પરિવારોના જીવનનિર્વાહ માટે મદદરૂપ થવા મોરબીના સેવાભાવી અજય લોરીયા અને તેમની ટીમ આગળ આવી છે. આ યુવાનોની ટીમ દ્વારા શહેરના મુખ્ય વિસ્તારમાં છવાણી નાખીને ફંડ એકત્રિતકરણ શરૂ કરવામાં આવ્યું છે અને રસ્તા ઉપર ઉભા રહીને લોકો પાસેથી ફાળો એકત્ર કરવામાં આવી રહ્યો છે. આજથી બે દિવસ સુધી આ રીતે શહીદ પરિવારો માટે ફંડ એકઠું કરવામાં આવશે. આ તકે રાજયમંત્રી બ્રિજેશ મેરજા, પૂર્વ જિલ્લા ભાજપ પ્રમુખ રાઘવજીભાઈ ગડારા સહિતના અગ્રણીઓના હસ્તે ફંડ અકત્રીકરણ શરૂ કરવામાં આવ્યું છે અને બે દિવસ સુધી ફંડ એકત્ર કરી શહીદ પરિવારોને પહોંચાડવામાં આવશે.