હળવદ : રાજ્ય પોલીસવડાના આદેશ બાદ રાજ્યભરમાં બુલડોઝર એક્શન શરૂ કરવામાં આવ્યા છે ત્યારે મોરબી જિલ્લા પોલીસવડા દ્વારા પણ જિલ્લામાં અસામાજિક પ્રવૃત્તિ કરતા ગુન્હેગારોની યાદી તૈયાર કરી ગેરકાયદેસર મિલ્કતો અને વીજ કનેક્શન મામલે કાર્યવાહી શરૂ કરવામાં આવી છે
જે અંતર્ગત શનિવારે હળવદ પોલીસે વહીવટીતંત્રને સાથે રાખી સંયુક્ત કામગીરી કરી દેશી-વિદેશી દારૂ અને મારામારી સહિતના ગુન્હા આચરનાર બે શખ્સોએ સરકારી જમીનમાં બનાવેલ મકાન તોડી પાડી રૂપિયા 5 લાખની કિંમતની 250 ચોરસવાર જમીન ખુલ્લી કરાવી હતી.
બુલડોઝર એક્શન અન્વયે હળવદ પોલીસ સ્ટેશન વિસ્તારમાં ચરાડવા ગામની હદ વિસ્તારમાં કે.ટી.મિલ પાસે સદામ ગુલમહમદ ભટ્ટી તેઓ વિરુધ્ધમાં ઈંગ્લીશ અને દેશી દારૂના અને મારામારીના અને અપહરણ તથા તેમજ અન્ય અલગ અલગ ગુન્હાઓ દાખલ થયેલ હોય આ અસામાજિક તત્વનું કબજા ભોગવટાનું રહેણાંક સરકારી જમીન ઉપર હોવાથી ડિમોલેશનની કાર્યવાહી હાથ ધરી અંદાજે રૂપિયા 3.50 લાખની કિંમતની 150 ચોરસ વાર જગ્યા દબાણ મુક્ત બનાવી હતી.
બીજા કિસ્સામાં હળવદ પોલીસ અને વહીવટીતંત્ર દ્વારા આમીન અનવરભાઈ કાજેડિયા રહે.ચરાડવા વિરુધ્ધ અગાઉ ઈંગ્લીશ દારૂ અને દેશી દારૂના ગુન્હાઓ દાખલ થયેલ હોવાથી આ ઈસમના ચરાડવા પીજીવીસીએલ ઓફિસ પાસે આવેલ મિલ્કત ચેક કરતા અંદાજે 100 ચોરસવાર જમીન કિંમત રૂપિયા 1,50,000 ઉપર ઝૂંપડું કરી દબાણ કરેલ હોવાનું સામે આવતા ડિમોલેશન કરવામાં આવેલ હતું. આમ, ચરાડવા ગામેબન્ને બૂટલેગરોએ પચાવી પાડેલ સરકારી જમીન ખુલ્લી કરાવી બુલડોઝર એક્શન લેવામાં આવ્યા હતા.
મોરબી : આવતીકાલે ૨૬ માર્ચના રોજ મોરબી જિલ્લાને અનેક વિકાસ કાર્યોની ભેટ આપવા ગુજરાત રાજ્યના મુખ્યમંત્રી ભૂપેન્દ્રભાઈ પટેલ મોરબીમાં પધારી રહ્યા છે. ત્યારે વિકાસ...
મોરબી : મોરબીના મહેન્દ્રનગરમાં તલાટી અન્ય કામોમાં રોકાયેલા હોવાથી લોકોને વેરો ભરવામાં ભારે હાલાકીનો સામનો કરવો પડી રહ્યો છે. અહીં લોકોની લાંબી કતારો જામે...
મોરબી : મુખ્યમંત્રી આવતીકાલે બુધવારે મોરબીની મુલાકાતે આવી રહ્યા છે. તેને એક દિવસ પૂર્વે કોંગ્રેસે પ્રેસ કોન્ફરન્સ યોજીને નગરપાલિકામાં ભાજપના સાશનમાં બેફામ ભ્રષ્ટાચાર થયાના...
મોરબી પત્રકાર એસોસિએશન દ્વારા રાષ્ટ્રપતિ,પીએમ,કેન્દ્રીય ગૃહમંત્રી ,સીએમ, રાજ્ય ગૃહમંત્રી,ડીજીપી સહિતનાને પત્ર લખી તેમજ મોરબી કલેક્ટર,એસપી ને રૂબરૂ મળી આ મામલે લેખિત રજુઆત કરવામાં આવી...
