ડાંગ: નિવૃત્ત શિક્ષકે કાચની વેસ્ટ બોટલમાંથી આકર્ષક મંદિરો અને જોવાલાયક સ્થળો બનાવ્યાં

જે વસ્તુઓ લોકો ફેંકી દેતાં હોય અથવા જે બિનઉપયોગી હોય તેવી વસ્તુનો સદઉપયોગ કરીને કાળુભાઈએ વેસ્ટમાંથી બેસ્ટ વસ્તુઓ બનાવવાનું વિચાર્યું હતું. દવાખાનાની કાચની બોટલો જેને ફેંકી દેવામાં આવતી હોય તેવી બોટલનો ઉપયોગ કરીને સુંદર મંદિરો સાથે ભારતના પ્રખ્યાત સ્થળો જેવા કે દિલ્હીનો લાલ કિલ્લો, તાજ મહેલ, કુતુમ્બમિનાર, સ્વર્ણ મંદિર વગેરેનું નિર્માણ કર્યું છે. હાલ તો આ નિવૃત શિક્ષકે અનેક અનોખી કાચની બોટલ માથે અવનવી કલાકૃતિ બનાવી છે તેમને જોઈને અન્ય કલાકારો પણ તેઓ પ્રેરણારૂપ બની શકે એમ છે.

કાળુભાઈને વેસ્ટ વસ્તુઓ ઉપયોગી લાગવા લાગી અને જોતજોતામાં વેસ્ટમાંથી બેસ્ટ વસ્તુઓ બનાવી. શાળામાં સર્વ ધર્મ સમભાવના પાઠ ભણાવતાં આવ્યા છે અને આજ ભાવના તેમના કાર્યમાં પણ જોવા મળે છે. કાળુભાઈએ દરેક ધર્મના મંદિરો બનાવ્યા છે. ભારત દેશ વિવિધતામાં એકતા ધરાવે છે. તેમણે વયનિવૃત્તિ બાદ પણ શોખના કારણે વેસ્ટમાંથી બેસ્ટ બનાવવાની પ્રક્રિયા ચાલુ જ છે.

માં ની યાદમાં મંદિર બનાવવાની પ્રક્રિયા ચાલુ રહી ને જોતજોતામાં ભારતના દરેક ધર્મના મંદિરો નિર્માણ કર્યા. કાળુભાઈની વેસ્ટમાંથી બેસ્ટ બનાવવાની પ્રક્રિયા હાલ પણ ચાલુ જ છે. દરેક ધર્મમાં સમભાવના રાખતા શીખોનું સ્વર્ણમંદિર, સાંઈબાબાનું મંદિર, તાજમહેલ, ઉપરાંત ભારતના પ્રખ્યાત સ્થળો પણ બનાવેલ છે.