ખાનપર: ચલણી નોટ બદલવાની ના પડતા કર્મચારી ઉપર હિંસક હુમલો !!

આ મારામારીના બનાવની મોરબી તાલુકા પોલીસ મથકેથી પ્રાપ્ત વિગતો અનુસાર હાલ ટંકારાના નેસડા ગામે રહેતા અને મોરબીના ખાનપર ગામે આવેલી પંજાબ નેશનલ બેન્ક શાખામાં બેન્ક કર્મચારી તરીકે ફરજ બજાવતા યોગેન્દ્રભાઈ પ્રદીપભાઈ ચૌહાણ (ઉ.વ.31) એ આરોપી પ્રકાશભાઈ ડાંગર ગજડીવાળા સામે ફરિયાદ નોંધાવી હતી કે ગઈકાલે આરોપી મોરબીના ખાનપર ગામે આવેલી પંજાબ નેશનલ બેન્ક શાખામાં ચલણી નોટ બદલવા આવ્યો હતો. અને ફરિયાદીને રૂપિયા બદલી આપવા કહ્યું હતું.પણ ફરિયાદી રૂપિયા બદલી આપવાની ના પાડતા ઉશ્કેરાયેલા આરોપીએ ફરિયાદીને ઝાપટો મારીને તેમની કાયદેસરની ફરજમાં રૂકાવટ કરી હતી. આ બનાવની બેન્ક કર્મચારીની ફરિયાદ પરથી તાલુકા પોલીસે આરોપી સામે ગુનો નોંધી વધુ તપાસ હાથ ધરેલ છે.