Halvad

હળવદમાં દિઘડીયા નજીક પાણીનો પ્રવાહ વધતા બેઠા પૂલમાં પડ્યું ૨૫ ફુટનુ ગાબડું પડતા રસ્તો બંધ

11/08/2019 at 11:18 am

179

હળવદમાં ભારે વરસાદને કારણે હળવદથી સરાને જોડતા રોડ પર દીઘડિયા ગામ પાસે આવેલા બેઠાં પૂલમાં નદીમાં ભારે પાણીના પ્રવાહને કારણે અંદાજ ૨૫ ફુટ મસમોટું ગાબડું પડી જતા હળવદથી સરાનો સંપર્ક કપાતા લોકો અટવાઈ ગયા હતા.

હળવદ પંથકમાં બે દિવસથી વરસાદ વરસતા દીઘડિયા પાસેથી પસાર થતી નદીમાં પાણીનો પ્રવાહ વધુ તેજ બન્યો છે. જેના કારણે આજે વહેલી સવારથી જ નદી બે કાંઠે જતી હોય જેથી હળવદથી સરા જતા લોકો તેમજ સરાથી હળવદ આવતા લોકો અધવચ્ચે જ અટવાઈ ગયા હતા ત્યારે આજે બપોરે પાણીના વધુ પ્રવાહને કારણે નદી પરના પુલ પર ૨૫ ફુટનુ મસમોટુ ગાબડુ પડી ગયું છે જ્યારે આ મસમોટા પડેલા ગાબડાંના કારણે વાહન વ્યવહાર ઠપ્પ થઈ ગયો હતો.
અત્રે ઉલ્લેખનીય છે કે આ બેઠા પુલ ની જર્જરિત હાલતમાં હોય જેને યોગ્ય મરામત કરવા અનેકવાર ગ્રામજનો દ્વારા રજૂઆતો કરવામાં આવી હતી પરંતુ તે ધ્યાન નહીં લેતા આજે આપણે બેઠા પુલ પર ગાબડું પડી ગયું છે આ ગામડાને કારણે હળવદથી સરા તરફ જતા લોકો તેમજ સરા તરફથી હળવદ આવતા વિદ્યાર્થીઓ તેમજ લોકોને ભારે હાલાકી ભોગવવી પડશે તેમાં બેમત નથી