Morbi

મોરબી : હળવદ રોડ પર બે જગ્યાએ તાળા તૂટ્યા ઘટના સામે આવી

21/08/2019 at 12:12 pm

229

મોંરબીના હળવદ હાઈવે ઉપર આવેલ આઇટીઆઇ પાસેની હરિઓમ પાર્ક સોસાયટીમાં ગતરાત્રિ દરમિયાન બે સ્થળોએ તસ્કરોએ તાળા તોડીને ચોરી કરવાનો પ્રયાસ કરેલ છે જોકે પરચુરણ રોકડ સિવાય કંઇ હાથ લાગ્યું ન હોય તેવું હાલ પ્રાથમિક ધોરણે જાણવા મળે છે છતા તહેવારોને લઇને નાઇટ પેટ્રોલીંગ સઘન કરવા લોકો માંગ કરી રહ્યા છે.
મોરબીના હળવદ હાઈવે રોડ ઉપરની હરિઓમ સોસાયટીમાં મારુતિ પાન નામની દુકાન કેજે મણીભાઈ મહાદેવભાઇ સાદરીયાની છે તેઓની દુકાનના તાળા રાત દરમ્યાન તસ્કરોએ તોડયા હતા જોકે દુકાનમાંથી કોઈ મોટી રકમ હાથ લાગી ન હોય તસ્કરોને ફોગટ ફેરો થયો હતો.એ રીતે જ ત્યાં નજીકમાં હરીઓમ પાર્કમાં આવેલ લુંણસરવાળાના મકાનના પણ તાળા તોડીને ચોરીનો પ્રયાસ કર્યો છે જોકે હાલ સાતમ-આઠમના તહેવારો નિમિત્તે તે પરિવાર બહારગામ ગયેલ હોય તેના ઘરમાંથી કેટલી ચોરી થઈ છે તે જાણવા મળ્યુંનથી. ત્યાંના સ્થાનિક લોકો પાસેથી જાણવા મળ્યા મુજબ પંદરેક દિવસ અગાઉ પણ ત્યાં જ એક મકાનના તાળા તૂટયા હતા અવારનવાર આ વિસ્તારમાં ચોરી થતી હોય નાઈટ પેટ્રોલીંગ સઘન બનાવવામાં આવે તેવી ત્યાંના રહેવાસીઓ માંગ કરી રહ્યા છે.