Morbi

મોરબીમાં નવા બનેલા જુના બસ સ્ટેન્ડનું લોકાર્પણ કરાયું

23/06/2019 at 12:12 am

199

ભાવનગર ખાતે સીએમ રૂપાણીએ વીડિયો દ્વારા રિમોન્ટ કંટ્રોલથી ઓપનિંગ કર્યા બાદ કલેકટરે તકતીનું અનાવરણ કર્યું

મોરબી : મોરબીના હજારો મુસાફરોની લાભદાયી સુવિધા માટે રૂ.1.24 કરોડના ખેંચે અત્યાધુનિક રીતે જુના બસ સ્ટેન્ડનું નવીનીકરણ કરવામાં આવ્યું છે ત્યારે આજે ભાવનગર ખાતેથી સીએમ રૂપાણીએ આ બસ સ્ટેન્ડનું ઇ-લોકપર્ણ કર્યા બાદ વિધિવત રીતે કલેકટરે તકતીનું અનાવરણ કરીને મુસાફરોના લાભાર્થે જુના બસ સ્ટેન્ડને ખુલ્લું મૂક્યું હતું.

મોરબીના વર્ષોથી ખખડધજ હાલતમાં રહેલા જુના બસ સ્ટેન્ડનું રીનોવેશન કરવામાં આવ્યું છે. જેમાં રૂ.1.24 કરોડના ખર્ચે જુના બસ સ્ટેન્ડને અદ્યતન બનાવવામાં આવ્યું છે.આ બસ સ્ટેન્ડમાં ઓનલાઈન રિઝર્વેશન સહિતની મુસાફરો માટે તમામ પ્રકારની સવલત ઉભી કરવામાં આવી છે.ત્યારે આ રંગ રૂપ સાથે તૈયાર થયેલા જુના બસ સ્ટેન્ડનો આજે લોકાર્પણનો કાર્યક્રમ યોજાયો હતો.