Morbi

મોરબીના મારૂતિ પ્લોટમાં સાર્વજનીક જમીન ઉપરથી દબાણ હટાવવાની માંગ

14/08/2019 at 9:39 pm

મોરબીના સામાકાંઠે સો ઓરડી વિસ્તારમાં આવેલ મારુતિ પ્લોટના રહીશો એ આજે જિલ્લા કલેક્ટરને આવેદનપત્ર આપી સાર્વજનિક પ્લોટ ને ખુલ્લો કરી આપવાની માંગ કરી છે

મોરબીના મારુતિ પ્લોટમાં 32 જેટલા પ્લોટ આવેલ છે જેમાં અનેક પરિવારો પોતાના મકાન બનાવીને રહે છે. અને મારુતિ પ્લોટમાં બે સાર્વજનિક પ્લોટ આવેલ છે જેના પર ગેરકાયદે દબાણ કરવામાં આવેલ છે. માટે મારુતિ પ્લોટના રહીશોને પોતાના પ્રસંગો માટે આ પ્લોટની ખાસ જરૂર છે પરંતુ પ્લોટ પર ગેરકાયદે દબાણ હોવાથી તેનો ઉપયોગ કરી શકતા નથી. જેથી મારુતિ પ્લોટના રહીશોએ કલેક્ટર કચેરી ખાતે જઈ કલેક્ટર આર.જે.માકડીયાને આવેદનપત્ર આપી સાર્વજનિક પ્લોટ પર થયેલ ગેરકાયદે દબાણ દૂર કરી આપવા માંગ કરી છે. અને જીલ્લા કલેક્ટરે રહીશોને તાત્કાલિક સાર્વજનિક પ્લોટ પર થયેલ દબાણ મામલે યોગ્ય કાર્યવાહી કરવાની ખાત્રી આપી છે.