મોરબીમાં પૈસાની લેતી-દેતી મુદ્દે દંપતી ઉપર હુમલો

આ બનાવની મોરબી સીટી એ ડિવીજન પોલીસ સ્ટેશનેથી પ્રાપ્ત ફરિયાદી જશાભાઇ હરીભાઇ કાનગડ (ઉ.વ-૫૯, ધંધો-નિવૃત, રહે-મોરબી, મેઇન કેનાલ પાસે, યદુનંદન પાર્ક-૧ પાછળ) એ આરોપી હીન્દુ (નાનો) ભરવાડ તથા બે અજાણ્યા માણસો સામે ફરિયાદ નોંધાવી હતી કે ગત તા.૧૬ ના રોજ બપોરના આશરે બે-અઢી વાગ્યાના અરસામાં મોરબી મેઇન કેનાલ પાસે યદુનંદન પાર્ક-૧ પાછળ ફરીયાદીના ઘર પાસે ફરીયાદીના દીકરા કીશનને આરોપી સાથે પૈસાની લેતી દેતી હોય જે બાબતે ત્રણેય આરોપીઓએ ફરીયાદીને તથા તેમના પત્નિને ઢીકાપાટુનો માર માર્યો હતો. તેમજ આરોપીઓએ પોતાના હાથમાં રહેલ પાઇપ જેવુ બોથડ પદાર્થ માથામાં માર મારી ઇજા કરી હતી. આથી, ફરીયાદી બેભાન થઇ ગયેલ હોય બાદ અને બે દીવસથી ફરી ભાનમાં હોય પરંતુ સંપુર્ણ વિગત આજે યાદ આવતા આજે ફરીયાદ કરી હતી. આથી, પોલીસે આ બનાવની ફરિયાદ નોંધી ધોરણસરની કાર્યવાહી હાથ ધરેલ છે.