મોરબીના ઈન્દિરાનગરમાં ગાળો બોલવાના પ્રશ્ને યુવાન ઉપર હુમલો કર્યાની ફરિયાદ

આ બનાવની મોરબી સીટી બી ડીવીજન પોલીસ સ્ટેશનેથી પ્રાપ્ત થતી વિગતો અનુસાર મોરબીના ઈન્દિરાનગર, મંગલમ વિસ્તારમાં રહેતા રોહીતભાઈ કેશુભાઈ કુંવરીયા (ઉ.વ.૨૨) નામના યુવાને આરોપીઓ સંજયભાઈ માનસીંગભાઈ ધોળકીયા તથા હરીભાઈ લવજીભાઈ ધોળકીયા (રહે. બંને મોરબી-૨, ઈન્દિરાનગર) સામે ફરિયાદ નોંધાવી હતી કે તા. ૧૧ના રોજ રાત્રીના દશેક વાગ્યાના અરસામાં ઈન્દિરાનગર, મગલમ વિસ્તારની શેરીમા ઉભા રહી આરોપીઓ ગાળો બોલતા હોય. જેથી, ફરીયાદી તથા સાહેદે ગાળો બોલવાની ના પાડતા તે બાબતે બોલાચાલી કરી ગાળો આપી ઝઘડો કરેલ હોય. જેમા આરોપીઓએ લાકડી વતી મારેલ તથા ઢીકાપાટુનો માર માર્યો હતો. બી ડિવિઝન પોલીસે આ બનાવની ફરિયાદ નોંધીને ધોરણસરની કાર્યવાહી હાથ ધરી છે.