રોકડ તથા સોના-ચાંદીના દાગીના ચોરાયા : પોલીસે ચોરને પકડવા ચક્રો ગતિમાન કર્યા
મોરબી : મોરબી શહેરના સ્વાતિ પાર્કમાં એક ઘરમાંથી રૂ. 1.73 લાખની માલમત્તા ચોરાઈ ગઈ છે. આ બનાવ અંગે મોરબી સીટી એ ડિવિઝન પોલીસ સ્ટેશનમાં ફરિયાદ નોંધવામાં આવી છે. હાલમાં પોલીસે ચોરને પકડવા ચક્રો ગતિમાન કર્યા છે.
મોરબીના વાવડી રોડ પર ઉમિયા પાર્ક અંદર સ્વાતિ પાર્ક સોસાયટીમાં રહેતા ઇશાનભાઇ વિનોદભાઇ ચૌહાણ (ઉ.વ.૨૫, ધંધો.મજુરી)ના રહેણાંક મકાનમાંથી ગત તા. 16ના રોજ રાતના 12થી સવારના 6 વાગ્યા દરમિયાન અજાણ્યા શખ્સે મકાનના દરવાજાનુ તાળુ તોડી મકાનમાં પ્રવેશ કરી 1.73 લાખની માલમત્તા ઉઠાંતરી કરી છે. આ ઘરફોડ ચોરીના બનાવમાં રૂમમા કબાટમાથી રોકડ રૂ. 50,000/- તેમજ સોનાનો હાંસડી સેટ-1 આશરે ત્રણ તોલાનો, એક-એક તોલાની વીટી નંગ-2, કાનના બુટીયા આશરે અડધા તોલાના, નાના છોકરાના સોનાના ઓમકારના ચગદા નંગ-4 તથા ચાંદીનો કમરનો કંદોરો મળી કુલ મુદામાલ રૂ. 1,73,000 ની ચોરી થઇ ગઈ છે. આ બનાવ અંગે ઘરના માલિકે ગઈકાલે મોરબી સીટી એ ડિવિઝન પોલીસ સ્ટેશનમાં ફરિયાદ લખાવી હતી. હાલમાં પોલીસે ફરિયાદના આધારે ચોરની શોધખોળ શરુ કરી છે.
વધુ સમાચારો માટે અમારું ફેસબૂક પેઈજ લાઈક કરો:- https://www.facebook.com/thepressofindia/
તેમજ અમારી યુ ટ્યુબ ચેનલ સબ્સ્ક્રાઇબ કરો:- https://https://www.youtube.com/@thepressofindia
અમારા વ્હોટ્સએપ ગૃપમા જોડાવા અહીં ક્લિક કરો:- https://chat.whatsapp.com/BoG4qCHcTS60iHwdXe1Ide
