એક વ્યક્તિને ગંભીર ઇજા : પોલીસ દ્વારા તપાસ
મોરબી : ગઈકાલે મોરબીના બાયપાસ રોડ ઉપર આજે સાંજના અરસામાં બાઇક અને કાર વચ્ચે ગમખ્વાર અકસ્માત સર્જાયો હોવાનો બનાવ સામે આવ્યો છે. જેમાં એક વ્યક્તિનું ઘટના સ્થળે જ મોત નીપજ્યું છે. જ્યારે બીજા એક વ્યક્તિને ઇજાઓ પહોંચી છે.
મોરબીના બાયપાસ રોડ ઉપર જૂની આરટીઓ કચેરી પાસે આજે સાંજના સુમારે જીજે 03 સીઆર 7807 નંબરની કાર અને એક હીરો સ્પ્લેન્ડર બાઇક વચ્ચે ગમખ્વાર અકસ્માત સર્જાયો છે. આ અકસ્માતમાં બાઇકસવાર ભરતભાઈ માનસિંગભાઈ પારઘી (ઉ.વ.20, રહે.અમરેલી) નું મોત નીપજ્યું છે. જ્યારે બાઇક ઉપર આવતા અન્ય એક વ્યક્તિને ગંભીર ઇજાઓ પહોંચી હતી. ઇજાગ્રસ્તને તુરંત હોસ્પિટલમાં ખસેડી સારવાર શરૂ કરી દેવામાં આવી છે.
આ સાથે મૃતદેહને પણ હોસ્પિટલમાં ખસેડવામાં આવ્યો હતો. જ્યાંથી પોલીસને જાણ કરવામાં આવતા તાલુકા પોલીસના જમાદાર મનીશભાઇ સહિતનો સ્ટાફ હોસ્પિટલે દોડી ગયો છે. હાલ પોલીસે આગળની કાર્યવાહી શરૂ કરી છે.
વધુ સમાચારો માટે અમારું ફેસબૂક પેઈજ લાઈક કરો:- https://www.facebook.com/thepressofindia
તેમજ અમારી યુ ટ્યુબ ચેનલ સબ્સ્ક્રાઇબ કરો:- https://https://www.youtube.com/@thepressofindia
અમારા વ્હોટ્સએપ ગૃપમા જોડાવા અહીં ક્લિક કરો:- https://chat.whatsapp.com/BoG4qCHcTS60iHwdXe1Ide
