Morbi

મોરબી પાલિકામાં કાયમી ચીફ ઓફીસરનો પ્રશ્ન વિધાનસભામાં ગુંજ્યો

13/07/2019 at 1:58 pm

મોરબી – માળીયા ( મિ ) ના ધારાસભ્ય બ્રિજેશ મેરજાએ વિધાનસભાના ચાલુ બજેટ સત્રમાં પ્રત્યેક દિવસે મોરબી – માળીયા ( મિ ) વિસ્તારના પ્રશ્નો ઉઠાવીને પોતાના મતવિસ્તારને ઘણા વર્ષોથી થતા અન્યાય સામે ન્યાય અપાવવા ઝઝુમી રહયા છે . મોરબી – માળીયા ( મિ ) ના બાવન ( પર ) ગામોને મચ્છુ – ૨ માંથી સિંચાઈની નવી સુવિધા આપવા , નર્મદાની મોરબી – માળીયા ( મિ ) ની બ્રાન્ચ કેનાલોના તેમજ પ્રપ્રશાખા ( સબમાઈનોર ) ના અધુરા કામો તાકિદે પૂરા કરવા માટે રજુઆત કરી હતી

આ ઉપરાંત વરસાદ ખેંચાતા ખેડૂતોને સિંચાઈ માટે નર્મદાનું પાણી તાકિદે આપવા મોરબી અને માળીયા ( મિ ) નગરપાલિકાને ગુજરાત સરકાર દ્વારા મળવાપાત્ર ગ્રાન્ટ અંગે , મોરબી નગરપાલિકામાં ચીફ ઓફીસરની કાયમી નિમણૂંક અંગે , માળીયા ( મિ ) તાલુકાની નાની બરાર ગામની હાઈસ્કૂલનું નવું મકાન બાંધવા , મોરબી જિલ્લામાં ખેડૂતોને ખેતી વિષયક વીજ જોડાણોના ધારાસભ્યએ પૂછેલ પ્રશ્નના જવાબમાં એવી માહિતી મળી છે કે મોરબી જિલ્લામાં ખેતી વિષયક વીજ જોડાણ મેળવવાની ૪ , ૭૧૨ જેટલી અરજીઓ પેન્ડીંગ છે , જેમાં મોરબી તાલુકામાં ૧ , ૦૪૯ અને માળીયા ( મિ ) તાલુકામાં ૩૦૧ ખેડૂતોની માંગણીઓ પડતર છે .

આ પેન્ડીંગ અરજીઓનો તાત્કાલીક નિકાલ કરી ખેડૂતોને ખેતી વિષયક વીજ જોડાણો આપવા , મોરબી – પીપળી – જેતપુર ( મચ્છ ) રોડને ચારમાર્ગીય કરવા , મોરબી સિરામિક ઉદ્યોગને છેક છોટાઉદેપુરના રાજપારડીથી લિગ્નાઈટનો જથ્થો ફળવાતો હોઈ સિરામિક ઉદ્યોગને ટ્રાન્સપોર્ટનો ખર્ચ વધી જાય છે , જેથી લિગ્નાઈટનો જથ્થો પૂરતા પ્રમાણમાં કચ્છમાંથી મળવા જેવા અગત્યના પ્રશ્નો અંગે ચર્ચામાં ભાગ લઈ એક જાગૃત ધારાસભ્ય તરીકે સક્રિયતા દાખવી રહ્યા છે