મોરબીમાં રસ્તામાં બંધ પડેલા ટ્રકને હટાવી લેવા મુદ્દે તકરાર : બે ઈજાગ્રસ્ત

આ બનાવની મોરબી સીટી એ ડિવીઝન પોલીસ સ્ટેશનેથી પ્રાપ્ત થતી વિગતો અનુસાર મોરબી શનાળા રોડ ન્યું. ગુ.હાઉસીંગ બોર્ડ પાછળ અવધ સોસાયટી નંબર ૧ માં રહેતા અને બાંધકામનો વ્યવસાય કરતા મહેશભાઇ ગોકળભાઇ મેવા (ઉ.વ-૩૩) એ લજાઈ ગામના જતીનભાઇ પટેલ બે અજાણ્યા માણસો સામે ફરિયાદ નોંધાવી હતી કે ગઈકાલે તા.૨૭ ના રોજ બપોરના સવા બેક વાગ્યાના અરસામાં મોરબી પંચાસર રોડથી નાની કેનાલ રોડ થઇ વાવડી રોડ તરફ જતા રસ્તે સ્કાયવીલા એપાર્ટમેન્ટથી નજીક રસ્તામાં ફરીયાદીનો ટ્રક બંધ પડી ગયેલ હોય. જેથી, ફરી.ને રસ્તામાંથી ટ્રક લઇ લેવા બાબતે એક આરોપીએ ફરીયાદીને ગાળો આપી અને તેના હાથમાં રહેલ લોખંડના પાઇપ વતી ફરીને માથામાં ડાબા કાન ઉપર એક ઘા મારી ઇજા કરી તથા ત્રણેય આરોપીઓએ મળીને ફરીયાદીને તથા ફરીયાદીના ભાઇને ઢીકાપાટુનો માર મારી જાનથી મારી નાખવાની ઘમકી આપી હતી. એ ડિવિજન પોલીસે આ બનાવની ફરિયાદ નોંધી કાયદેસરની કાર્યવાહી હાથ ધરી છે.