મૃતકના ભાઈ દ્વારા ટ્રેઇલરચાલક સામે ફરિયાદ નોંધાવતા તાલુકા પોલીસે તપાસ હાથ ધરી
મોરબી : મોરબી-વાંકાનેર નેશનલ હાઇવે ઉપર રફાળેશ્વર ગામ પાસે ગતમોડી રાત્રે બેદરકારીપૂર્વક ઉભા રાખેલા ટ્રેઇલર પાછળ ડમ્પર ધડાકાભેર ઘુસી ગયું હતું. આ ગમખ્વાર અકસ્માતમાં ગંભીર ઇજા થવાથી ડમ્પરચાલકનું સ્થળ ઉપર જ કમકમાટીભર્યું મોત નીપજ્યું હતું. મૃતકના ભાઈએ ટ્રેઇલર ચાલક સામે ફરિયાદ નોંધાવતા તાલુકા પોલીસે તપાસ હાથ ધરી છે.
આ બનાવની મોરબી તાલુકા પોલીસ મથકેથી પ્રાપ્ત વિગતો અનુસાર મોરબી વાંકાનેર નેશનલ હાઇવે ઉપર રફાળેશ્વર ગામ નજીક જી.જે.36 ટી 9777 નંબરના ટ્રેઇલર ચાલકે પોતાનું ટ્રેઇલર રોડ ઉપર આગળ પાછળની સલામતી જોયા વગર બેદરકારીપૂર્વક ઉભું રાખ્યું હતું. આથી, પાછળથી પુરપાટ ઝડપે આવતું જી.જે.12 એ ઝેડ 3308 નંબરનું ડમ્પર ધડાકાભેર બંધ ટ્રેઇલર પાછળ અથડાયુ આ ગમખ્વાર અકસ્માતમાં ડમ્પર ચાલક બાબુભાઈ મીઠાભાઈ ગરવાને ગંભીર ઇજા થતાં તેનું ઘટનાસ્થળે જ પ્રાણ પ્રાંખેરૂ ઉડી ગયું હતું.
વધુ સમાચારો માટે અમારું ફેસબૂક પેઈજ લાઈક કરો:- https://www.facebook.com/thepressofindia/
તેમજ અમારી યુ ટ્યુબ ચેનલ સબ્સ્ક્રાઇબ કરો:- https://https://www.youtube.com/@thepressofindia
અમારા વ્હોટ્સએપ ગૃપમા જોડાવા અહીં ક્લિક કરો:- https://chat.whatsapp.com/BoG4qCHcTS60iHwdXe1Ide
