Morbi

મોરબી ખેતરમાં બકરા ચરાવવાની ના પાડતા આધેડ પર કુહાડીથી હુમલો

07/08/2019 at 12:46 pm

152

એક શખ્સ સામે તાલુકા પોલીસ મથકમાં નોંધાઇ ફરિયાદ

મોરબીના ફાટસર ગામે આવેલ ખેતરમાં બકરા ચરાવવાની ના પાડતા આધેડ પર એક શખ્સે કુહાડીથી હુમલો કર્યાની ફરીયાદ નોંધાતા તાલુકા પોલીસે તપાસ હાથ ધરી છે.

આ બનાવનીc મથકેથી પ્રાપ્ત થતી વિગતો અનુસાર મોરબીના ફાટસર ગામે રહેતા અને ખેતીનો વ્યવસાય કરતા રઘુવીરસિંહ લખુભા જાડેજા ઉ.વ.58એ નાનજીભાઈ દેવજીભાઈ રબારી સામે મોરબી તાલુકા પોલીસ મથકે ફરિયાદ નોંધાવી હતી કે, તેઓ ગઈકાલે ફાટસર ગામે આવેલી પોતાની વાડી પાસે હતા.તે સમયે તેમના ખેતરમાં આરોપીને બકરા ચરાવવાની ના પાડતા ઉશ્કેરાયેલા આરોપીએ ફરિયાદીના હાથ પર કુહાડી વડે હુમલો કરી ફ્રેક્ચર જેવી ઇજા કરીને જાનથી મારી નાખવાની ધમકી આપી હતી.આ બાબતે રઘુવીરસિંહ જાડેજાએ ફરિયાદ નોંધાવતા તાલુકા પોલીસે આરોપી સામે ગુનો નોંધી આગળની તપાસ હાથ ધરી છે.