મોરબી : તાજેતરમા હવા વગરના ટાયર હોય અને એમાં પણ ટાયર ફાટી જાય પછી પાછળની ટ્રોલી રોડ ઉપર ડોલતી હોય, ટ્રેકટરના આવા સ્ટંટ તો ભાઈ નસીબદારને જ જોવા મળે. આ સ્ટંટ જોવાનો લ્હાવો આજે અમુક મોરબીવાસીઓને મળ્યો હતો. જેમાં પાલિકાનું ટ્રેકટર આવી જોખમી હાલતમાં જઇ રહ્યું હતું. અને એક જાગૃત નાગરિક દ્વારા સમગ્ર ઘટનાનો વીડિયો પોતાના મોબાઈલ કેમેરામાં કેદ કર્યો હતો.
હાલ મોરબી નગરપાલિકાના ગેરેજ વિભાગની ઘોર બેદરકારી સામે આવી છે. પાલિકાનું એક ટ્રેકટર રોડ ઉપર જઈ રહ્યું હતું. જેની ટ્રોલીના ચારેય ટાયરમાં હવા ન હોય ટાયર ફાટી ગયા હતા. છતાં ડ્રાઇવર તે ટ્રેકટર લઈને રોડ ઉપરથી બિન્દાસ્ત જઈ રહ્યો હતો. ટ્રેકટરની ટોલી પાછળ હાલક ડોલક થઈ રહી હતી અને બાજુમાંથી પસાર થતા વાહનચાલકો ઉપર જાનનું જોખમ પણ ઉભું થયું હતું.
વધુ સમાચારો માટે અમારું ફેસબૂક પેઈજ લાઈક કરો:- https://www.facebook.com/thepressofindia/
તેમજ અમારી યુ ટ્યુબ ચેનલ સબ્સ્ક્રાઇબ કરો:- https://https://www.youtube.com/@thepressofindia
અમારા વ્હોટ્સએપ ગૃપમા જોડાવા અહીં ક્લિક કરો:- https://chat.whatsapp.com/BoG4qCHcTS60iHwdXe1Ide
