ગટર, રોડ અને લાઈટ સહિતની પ્રાથમીક સુવિધાના પ્રશ્ને સ્થાનિકોએ ચૂંટણીનો બેહિષ્કાર કરવાનો નિર્ણય પણ જાહેર કર્યો
મોરબી : હાલ મોરબી-માળીયા વિધાનસભા બેઠકની પેટા ચૂંટણીને હવે ગણતરીના દિવસોની વાર છે. ત્યારે મોરબીના એક વિસ્તારમાં પ્રાથમિક સુવિધાના મુદ્દે ચૂંટણીના બહિષ્કારનો સુર ઉઠ્યો છે. જેમાં કાલિકા પ્લોટ શેરી નંબર 3 માં ચૂંટણીના બહિષ્કારના બેનેરો લાગ્યા છે.
મોરબીના કાલિકા પ્લોટ શેરી નંબર-3 માં મીઠાના ડેલા પાસે રોડ ઉપર પેટા ચૂંટણીનો બહિષ્કાર કરવાના બેનેરો લાગ્યા છે. આ વિસ્તારમાં લોકોએ રોષ સાથે જણાવ્યું હતું કે, તેમના વિસ્તારમાં સારા રસ્તાની સુવિધા મળી નથી. તેમજ ગટરો સતત ગંદકી ઓકી રહી છે. અને સ્ટ્રીટ લાઈટના ધાંધિયા છે. આ સમસ્યાઓનો કોઈ ઉકેલ જ ન આવતા અંતે નેતાઓને બોધપાઠ આપવા માટે આગામી પેટા ચૂંટણીના બહિષ્કાર કરવાનો નિર્ણય જાહેર કરેલ છે.
વધુ સમાચારો માટે અમારું ફેસબૂક પેઈજ લાઈક કરો:- https://www.facebook.com/thepressofindia/
તેમજ અમારી યુ ટ્યુબ ચેનલ સબ્સ્ક્રાઇબ કરો:- https://https://www.youtube.com/@thepressofindia
અમારા વ્હોટ્સએપ ગૃપમા જોડાવા અહીં ક્લિક કરો:- https://chat.whatsapp.com/BoG4qCHcTS60iHwdXe1Ide
