Halvad

હળવદ: ધંધાની નુકશાનીનું વળતર મેળવવા ભાગીદારને જાનથી મારી નાખવાની ધમકી આપી

30/09/2019 at 3:48 pm

114

હળવદ : હળવદમાં અગાઉ ધંધામાં થયેલી નુક્શાનીનું વળતર પરત મેળવવા માટે એક ભાગીદારે બીજા ભાગીદારને જાનથી મારી નાખવાની ધમકી આપી હતી. આ ભાગીદારે ફરિયાદ નોંધાવતા હળવદ પોલીસે આ અંગે ગુનો નોંધી તપાસ હાથ ધરી છે.

આ બનાવની હળવદ પોલીસ મથકેથી પ્રાપ્ત થતી વિગતો અનુસાર હળવદ તાલુકાના મૂળ જુના દેવળીયા ગામના વતની અને હાલ હળવદ ખાતે રહેતા જયેશભાઇ વસંતભાઈ માલાસણા ઉ.વ.39 નામના યુવાને મૂળ હળવદના ઈશ્વરનગર ગામના વતની અને હાલ મુંબઈ રહેતા પ્રતિકભાઈ રતિલાલ મોરડીયા તથા બીજા અજાણ્યા માણસો સામે ફરિયાદ નોંધાવી હતી કે, ફરિયાદી અને આરોપી ભાગીદારીમાં ધંધો કરતા હતા તેમાં ખોટ આવી હતી આથી આરોપી પ્રતીક મોરડીયાએ ધંધામાં થયેલી નુક્શાનીના રૂ.1 કરોડ પડાવવાનું કારસ્તાન કરીને બીજા અજાણ્યા શખ્સો સાથે મળીને ફરિયાદીને ફોન પર ડરાવી ધમકાવી અને ગાળો આપી જાનથી મારી નાખવાની ધમકી આપી હતી.તેમજ ફરિયાદીન પત્ની વિશે બફાટ કરીને ધમકી આપી હતી.આ બનાવ અંગે તેમણે ફરિયાદ નોંધાવતા હળવદ પોલીસે વધુ તપાસ હાથ ધરી છે .