મોરબીમાં માસ્ક પહેર્યા વગર ધંધો કરતા 50 જેટલા વેપારીઓ સામે તંત્ર દ્વારા કાર્યવાહી

મોરબી નગરપાલિકાની ટીમે આજે માસ્ક પહેર્યા વગર ધંધો કરતા વેપારીઓ ઉપર તવાઇ ઉતારી હતી. જેમાં મોરબી નગરપાલિકાના ચીફ ઓફિસર કલ્પેશ ભટ્ટની સૂચનાને પગલે પ્રોબેશન ચીફ ઓફિસર મંદિપ પટેલ, સેનિટેશન ઇન્સ્પેક્ટર ક્રુષ્ણસિંહ જાડેજા, પ્રોબેશન સેનિટેશન ઇન્સ્પેક્ટર કૌશીક પ્રજાપતિ, રમેશભાઈ રબારી, મહેશભાઈ રબારી, શક્તિ રાઠોડ સહિતની ટીમે પોલીસને સાથે રાખીને મોરબીના પરા બજાર સહિતના વિસ્તારોમાં ફરીને માસ્ક પહેર્યા વગર દુકાને બેસીને બેદરકારી પૂર્વક ધંધો કરતા વેપારીઓ સામે દંડનીય કાર્યવાહી કરવામાં આવી છે અને 50 થી વધુ વેપારીઓ માસ્ક ન પહેર્યા હોય, આ તમામને રૂ.200 -200 નો દંડ કરવાની કાર્યવાહી હાથ ધરી છે. અને હાલ મોરબીની બજારોમાં માસ્ક પહેર્યા વગર દુકાને બેસીને ધંધો કરતા વેપારીઓ સામે કાયદેસર કાર્યવાહી ચાલુ છે