ભૂતકોતડા ગામ સંપર્ક વિહોણું : મામલતદાર કચેરીના પટાંગણમાં પણ પાણી ભરાયા
ટંકારા : ટંકારા પંથકમાં ભારે વરસાદથી નદી- નાળા છલકાઇ ગયા છે. જેમાં ખાખરા ગામ પાસેના પુલને અડોઅડ પાણી જતું હોય ભારે વાહન ઉપર પ્રતિબંધ ફરમાવીને તેને ડાયવર્ટ કરવામાં આવી રહ્યા છે. આ સાથે ભૂતકોતડા ગામ સંપર્ક વિહોણું બન્યાના અહેવાલો પણ મળ્યા છે. અને વરસાદને પગલે મામલતદાર કચેરીમાં પણ પાણી ભરાયા હોવાનું જાણવા મળ્યું છે.
ટંકારામાં આજે મેઘરાજાએ સટાસટી બોલાવી હતી. આજના દિવસે કુલ સવા ઇંચ વરસાદ નોંધાયો છે. પાણીની ભારે આવકના પગલે આજી-3 ડેમના 17 દરવાજા ખોલવામાં આવ્યા હતા. જેથી ટંકારાના ખાખરા ગામ પાસેના પુલની અડોઅડ પાણી જતું હોય તકેદારીના ભાગરૂપે જામનગર તરફ જતા બાઇક- કાર જેવા વાહનો તો જવા દેવામાં આવી રહ્યા છે. પણ ભારે વાહનો ઉપર પ્રતિબંધ મૂકીને તેને મિતાણા- પડધરી તરફ ડાયવર્ટ કરવામાં આવી રહ્યા છે.
વધુ સમાચારો માટે અમારું ફેસબૂક પેઈજ લાઈક કરો:- https://www.facebook.com/thepressofindia/
તેમજ અમારી યુ ટ્યુબ ચેનલ સબ્સ્ક્રાઇબ કરો:- https://https://www.youtube.com/@thepressofindia
અમારા વ્હોટ્સએપ ગૃપમા જોડાવા અહીં ક્લિક કરો:- https://chat.whatsapp.com/BoG4qCHcTS60iHwdXe1Ide
