Wakaner

મોરબી માં પરિણીતાના આપઘાત કેસમાં જમાઈની સામે સાસુએ નોંધાવી ફરિયાદ

20/08/2019 at 11:57 am

209

વાંકાનેર તાલુકાની હદમાં આવતા સતનપર રોડ ઉપર થોડા સમય પહેલાં પરિણીતાએ ઝેરી દવા પીને આત્મહત્યા કરી હતી જે બનાવમાં મૃતકની માતાએ હાલમાં તેના જમાઇ સામે દીકરીને મરવા માટે મજબૂર કરી હોવાની ફરિયાદ નોંધાવી છે જેથી પોલીસે ગુનો નોંધીને હાલમાં તપાસ હાથ ધરે છે

બનાવની જાણવા મળતી વિગત પ્રમાણે ગોંડલ તાલુકાના સુલતાનપુર ગામે રહેતા પંખુબેન શંભુભાઈ વાઘેલાએ હાલમાં વાંકાનેર તાલુકા પોલીસ સ્ટેશન ખાતે તેના જમાઈ ભરતભાઈ મનજીભાઈ દેવીપૂજક ઉં.૩૫ રહે સતનપર રોડ વાળાની સામે પોતાની દિકરીને મરવા માટે મજબુર કરી હોવાની ફરીયાદ નોંધાવી છે જેમા તેમણે લખાવેલ છે કે તેની દીકરી હેમાબેનના લગ્ન આજથી દસ વર્ષ પહેલા ભરતભાઈ સાથે કરવામાં આવ્યા હતા જોકે છેલ્લા બે વર્ષથી ભરતભાઈ દ્વારા શારીરિક અને માનસિક ત્રાસ તેની દીકરીને આપવામાં આવતો હતો જેનાથી કંટાળીને તેની દીકરીએ ઝેરી દવા પીને આત્મહત્યા કરેલ છે જેથી પોલીસે હાલમાં આ બનાવની ફરિયાદ નોંધીને આરોપીને પકડવા માટે તજવીજ હાથ ધરેલ છે