મોરબી ઘુંટુ નજીક કારખાનામાં અકસ્માતે 20 ફૂટ ઊંચાઈથી પડી જતા યુવકનું સારવાર દરમિયાન મોત

મોરબી તાલુકાના જુના ઘુંટું રોડ સિમ્પોલો સિરામીક કંપનીમાં જ રહેતા સુધીરભાઇ ધીરૂભાઇ મકવાણા (ઉ.વ. 21) ગત તા. 25ના રોજ સાંજે 4 વાગ્યા આસપાસ કંપનીમમાં રોડ ઉપર પતરા ચડાવતા હતા. ત્યારે આશરે 20 ફૂટ ઉપરથી પડી ગયા હતા. આથી, તેમને માથાના ભાગે તથા કરોડરજ્જુ તેમજ છાતીના ભાગે ઇજા થઇ હતી. તેમને સારવાર અર્થે રાજકોટની સરકારી હોસ્પિટલમાં દાખલ કરેલ હતા. જ્યાં ગઈકાલે તા. 27ના રોજ તેમનું મૃત્યુ થયું હતું. આ બનાવ અંગે પોલીસે કાયદેસરની કાર્યવાહી કરી હતી.