મોરબી : મોરબીમાં એક પરિવાર માત્ર ચાર કલાક માટે બહાર ગયો ત્યાં તસ્કરોએ ઘરમાં ત્રાટકીને સોનાના દાગીના અને રોકડ મળી કુલ રૂ. 7.25 લાખની માલમતાનો હાથ ફેરો કર્યો હોવાનો બનાવ નોંધાયો છે. આ અંગે પોલીસે નોંધ કરી આગળની ધોરણસરની કાર્યવાહી હાથ ધરી છે.
પ્રાપ્ત થતી વિગત મુજબ મોરબીના સરદાર બાગ પાસે કાયાજી પ્લોટ શેરી નંબર-1મા રહેતા જયેશભાઇ છોટાલાલ કરથીયા ઉ.વ. 53 પરિવાર સાથે પોતાના ભાઈના ઘરે ગયા હતા. તેઓ આજે સવારે 11:30એ ઘરેથી નીકળ્યા હતા અને બાદમાં બપોરે 4:15 વાગ્યે પરત આવ્યા હતા. આ દરમિયાન કોઈ તસ્કરો તેમના ઘરમાં નવેરાના દરવાજાનો લોક તોડી પ્રવેશ્યા હતા.
બાદમાં રૂમમાં કબાટમાં રાખેલ 14 તોલા સોનાના દાગીના રૂ. 4.20 લાખ રોકડ રકમ રૂ. 3 લાખ મળી રૂ. 7.25 લાખ ચોરી કરી ગયા હતા. આ મામલે જાણ થતા ડીવાયએસપી રાધિકા ભારાઇ, એલસીબી, એસઓજી અને એ ડિવિઝન પીઆઇ ચૌધરી અને તેમની ટિમ ઘટના સ્થળે દોડી ગઇ હતી. હાલ આ બનાવમાં જાણ ભેદુનો હાથ હોવાની શંકા સેવાઇ રહી છે. પોલીસે ધોળે દિવસે થયેલી ચોરીનો ભેદ ઉકેલવા તપાસનો ધમધમાટ શરૂ કર્યો હોવાનું જાણવા મળેલ છે.
વધુ સમાચારો માટે અમારું ફેસબૂક પેઈજ લાઈક કરો:- https://www.facebook.com/thepressofindia/
તેમજ અમારી યુ ટ્યુબ ચેનલ સબ્સ્ક્રાઇબ કરો:- https://https://www.youtube.com/@thepressofindia
અમારા વ્હોટ્સએપ ગૃપમા જોડાવા અહીં ક્લિક કરો:- https://chat.whatsapp.com/BoG4qCHcTS60iHwdXe1Ide
