મોરબી : યુવાનને રીક્ષામાં બેસાડી છરીની અણીએ લૂંટ ચલાવ્યાની પોલીસ ફરિયાદ

આ લૂંટના બનાવની મોરબી સીટી એ ડીવીજન પોલીસ સ્ટેશનેથી પ્રાપ્ત વિગતો અનુસાર મોરબીના બંધુનગર ગામ પાસે આવેલ ફોરમ સીરામીક કારખાનામાં રહીને મજૂરી કામ કરતા મૂળ યુપીના વતની પિન્ટુભાઇ ધુરૂપલાલ શ્રીવાસ્તવ (ઉ.વ.૨૨) એ એક રીક્ષાચાલક તથા બે અજાણયા ઇસમો સામે ફરિયાદ નોંધાવી હતી કે ગત તા-૬ના રોજ ફરીયાદી આરોપીઓની રીક્ષામા બેસી પોતાના રૂમ ઉપર જતા હોય થોડે આગળ જઇ રીક્ષા રોડની સાઇડ રાખી ફરીયાદીને છરી દેખાડી જાનથી મારી નાખવાની ધમકી આપી ફરીયાદી પાસેથી રોકડ રૂપીયા ૬૦૦૦ તથા રીયલમી સી.૨ મોબાઇલ કિ.રૂ.૫૦૦૦ તથા જીઓની મોબાઇલ કિ.રૂ.૩૦૦૦ વાળા એમ કુલ મુદામાલ રૂપીયા-૧૪૦૦૦ની લુટ ચલાવીને આરોપીઓ ફરાર થઈ ગયા હતા. આ બનાવ અંગે યુવાને ફરિયાદ નોંધાવતા તાલુકા પોલીસે રીક્ષા ગેંગને ઝડપી લેવા રાબેતા મુજબની તપાસ હાથ ધરેલ છે.