અસ્થિર મહિલા સાથે બદકામ કરાયું તે સ્થળ ટ્રાફિક પોલીસ પોઇન્ટની હંગામી છાવણી હોવાની ચર્ચા વચ્ચે રાતોરાત ટ્રાફિક પોઇન્ટની છાવણી હટાવી લેતા અનેક તર્ક-વિતર્ક
હળવદ : તાજેતરમા ઉત્તરપ્રદેશના હાથરસની ઘટનાના ઘેરા પડઘા સમગ્ર દેશમાં પડ્યા છે તેવા સમયે જ હળવદમાં એક અસ્થિર મગજની મહિલા સાથે એક યુવાન તેના માસૂમ બાળકની હાજરીમાં બદકામ કરતો હોવાનો એક અશ્લીલ વિડિઓ હાલ હળવદ પંથકમાં વાયરલ થયો છે. અને તેમાં હાલમાં થઈ રહેલી ચર્ચા મુજબ અસ્થિર મગજની મહિલા સાથે બદકામની ઘટના અન્ય કોઈ જગ્યાએ નહીં પણ હળવદની મોરબી ચોકડી ઉપર પોલીસ દ્વારા ઉભી કરાયેલી હંગામી ટ્રાફિક પોઇન્ટની છાવણીમાં બન્યા હોવાનું મનાઈ રહ્યું છે. જ્યારે બીજું બાજુ એક નરાધમ શખ્સે બેખૌફ બની અસ્થિર મગજની મહિલા સાથે કરેલ અધમ કૃત્યની અશ્લીલ વિડીયોક્લિપ ફરતી થતાની સાથે જ મોરબી ચોકડી ઉપરની હંગામી પોલીસ પોઇન્ટની છાવણી હટાવી દેવામાં આવતા અનેક તર્ક વિતર્ક સર્જાયા છે.
હળવદમાં રાત- દિવસ વાહનોની અવરજવરથી ધમધમતા હાઇવે ઉપર ટ્રાફિક સમસ્યા નિવારણ માટે ઉભી કરાયેલ હંગામી ટ્રાફિક પોલીસ ચોકી રાતો – રાત કેમ ઉપડી ગઈ ? તેવા સણસણતા સવાલો લોકોમાં ચર્ચાઇ રહ્યા છે, જોકે સ્થાનિક ધંધાદારીઓના જણાવ્યા મુજબ થોડા દિવસો પહેલા અસ્થિર મગજની કહેવાતી મહિલાનો અશ્લીલ વિડીયો વાયરલ થયો હોવાથી આ હંગામી ચોકી હળવદ પોલીસ દ્વારા ઉપાડી લેવામાં આવી હોવાનું મનાઈ રહેલ છે.
હળવદ પંથકમાં મોબાઇલમાં વાયલર થયેલ અશ્લીલ વિડીયોમાં પ મિનિટ અને પ૧ સેકન્ડના દ્રશ્યો પણ બિન્દાસ્ત રીતે રેકોર્ડ કરવામાં આવ્યા છે, જો આ ઘટના ખરેખર પોલીસે ઉભા કરેલા પોઇન્ટમાં જ બની હોય ? અને વિડિઓ વાયરલ બાદ પોલીસ છાવણી હટાવી લેવાથી સમગ્ર મામલે પોલીસે કાર્યવાહી કરવાને બદલે જધન્ય કૃત્ય જ્યાં આચરવામાં આવ્યું તે ઘટના સ્થળ ને જ નેસ્ત નાબૂદ કરી પોલીસે આબરૂ બચાવવાના તમામ પ્રયાસ પરિપૂર્ણ કરી લીધા છે ? આવી ચર્ચાઓ જોર પકડ્યું છે. જ્યારે બીજી તરફ અશ્લીલ વિડીયોમાં નજરે પડતો યુવાન અને અશ્લીલ કલીપ બનાવનાર યુવાનની ઓળખ શંકાના દાયરામાં હોવાનું ટોચના વર્તુળો જણાવી રહ્યા છે.
જો કે, હાલ તો આ અત્યંત ઘૃણાસ્પદ અને ગંભીર બનાવમાં આવનાર સમયમાં નવાજુનીના સંકેત પણ મળી રહ્યા છે.
વધુ સમાચારો માટે અમારું ફેસબૂક પેઈજ લાઈક કરો:- https://www.facebook.com/thepressofindia/
તેમજ અમારી યુ ટ્યુબ ચેનલ સબ્સ્ક્રાઇબ કરો:- https://https://www.youtube.com/@thepressofindia
અમારા વ્હોટ્સએપ ગૃપમા જોડાવા અહીં ક્લિક કરો:- https://chat.whatsapp.com/BoG4qCHcTS60iHwdXe1Ide
