એલસીબીએ 119 બોટલ ઈંગ્લિશ દારૂ તથા કાર મળી કુલ રૂ.2.44 લાખનો મુદ્દામાલ કબજે કર્યો
વાંકાનેર : હાલ મોરબી એલસીબીએ આજે બાતમીના આધારે વાંકાનેર નજીક બાઉન્ડરી ચેક પોસ્ટ પાસેથી 119 ઈંગ્લિશ દારૂની બોટલો ભરેલી કાર સાથે બે શખ્સોને ઝડપી લીધા હતા.એલસીબીએ રૂ.44,600 નો ઈંગ્લિશ દારૂ તથા કાર મળી કુલ રૂ.2.44 લાખનો મુદ્દામાલ કબજે કરી વધુ તપાસ હાથ ધરેલ છે.
જેથી મોરબી જિલ્લા પોલીસ વડા ,એસ.આર. ઓડેદરા અને એલસીબીના પીઆઇ વી.બી.જાડેજાએ જિલ્લામાં જુગાર અને દારૂની બદી સામે કડક કાર્યવાહી કરવાની સૂચના આપતા એસલીબી સ્ટાફ તથા પેરોલ ફર્લો સ્ક્વોડની ટીમ આજે વાંકાનેર વિસ્તારમાં પેટ્રોલીગ કરી રહી હતી.તે દરમિયાન પો.કોન્સ.જયેશભાઇ ચાવડા અને બીજલભાઈ કાસુન્દ્રાને ખાનગી રાહે બાતમી મળી હતી કે સફેદ ફોર્ડ ફીયાસ્ટા કાર નબર જી.જે.3 ઇ.એલ.2532 વાળીમાં ઈંગ્લિશ દારૂનો જથ્થો ચોટીલા બાજુથી ભરીને રાજકોટ તરફ જનાર છે.આ પ્રકારની બાતમી મળતા પોલીસ સ્ટાફ એ કારની વોચ માટે વાંકાનેર નેશનલ હાઇવે બાઉન્ડરી ચેક પોસ્ટ પાસે ગોઠવાયો હતો.ત્યારે ઉપરોક્ત નંબરવાળી કાર ત્યાંથી નીકળતા પોલીસે એ કારને અટકાવીને તલાશી લેતા તેમાંથી 119 નંગ ઈંગ્લિશ દારૂની બોટલો મળી આવી હતી.આથી પોલીસે રૂ.44,600 નો ઈંગ્લિશ દારૂ તથા કાર મળી કુલ રૂ.2.44 લાખનો મુદ્દામાલ સાથે આરોપીઓ કિશન ગોવિદા રામાણી અને સંદીપ મનસુખભાઇ શિયાણીને ઝડપી લઈને ધોરણસરની કાર્યવાહી હાથ ધરેલ છે.
વધુ સમાચારો માટે અમારું ફેસબૂક પેઈજ લાઈક કરો:- https://www.facebook.com/thepressofindia/
તેમજ અમારી યુ ટ્યુબ ચેનલ સબ્સ્ક્રાઇબ કરો:- https://https://www.youtube.com/@thepressofindia
અમારા વ્હોટ્સએપ ગૃપમા જોડાવા અહીં ક્લિક કરો:- https://chat.whatsapp.com/BoG4qCHcTS60iHwdXe1Ide
