Morbi

મોરબી નજીક દુષ્કર્મ બાદ મહિલાની નિર્મમ હત્યાની આશંકાઃ તપાસનો ધમધમાટ

01/09/2019 at 2:31 am

488

મોરબીના વાંકાનેર હાઇવે ઉપર જુના જાબુડિયા ગામમાં નિર્જન સીમમાંથી એક અજાણી પચ્ચીસેક વર્ષીય પરપ્રાંતિય મહિલાની માથાના ભાગે તોતિંગ પત્થર ઝીંકીને નિર્મમ હત્યા કરાયેલી હાલતમાં લાશ પડી હોવાની માબિતી મળતા મોરબી તાલુકા પીએપઆઇ સહિતનો સ્ટાફ પહોંચ્યો હતો.બનાવ સ્થળેથી પથ્થર વડે માથું છુંદીને અજાણી મહિલાની હત્યા કરાયેલ હાલતમાં લાશ મળી આવતા પોલિસે રેપ વીથ મર્ડર હોય તેવી પ્રાથમિક શંકાના આધારે મહિલાના મૃતદેહને ફોરેન્સિક પીએમ અર્થે રાજકોટ મોકલાયેલ છે.

મોરબી તાલુકા પીએસઆઇ એમ.વી.પટેલ તથા સ્ટાફે તપાસ હાથ ધરતા મહિલા પરપ્રાંતિય હોય અને શરીર ઉપર ચણીયો-બ્લાઉસ પહેરેલ જે અસ્તવ્યસ્ત હાલતમાં અને નિચેના ભાગે સાલ પાથરેલ જોવા મળી હતી. મહિલાનું માથું પથ્થરથી છુદી નાખીને હત્યા કરવામાં આવી હોય અને તે પૂર્વે તેણીની સાથે અઘટીત બનાવ બન્યો હોય તેવી પ્રાથમિક શંકાના આધારે બનાવના તથ્યો જાણી રહ્સ્યોના તાણાવાણા ઉકેલવા મોરબી તાલુકા પોલીસે આગળની તપાસ હાથ ધરી બનાવને અંજામ આપનાર સુધી પહોંચવા જુદીજુદી દિશામાં ચક્રો ગતિમાન કર્યા છે.